ਓਸ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਸੀ ਵੀਰ ਵਹੁਟੀ ਦੇ ਵਰਗੀ ,ਗੋਲ ਮਟੋਲ ਜਿਹੀ ਉਹ ।
ਕਲੀਆਂ ਤੋਂ ਵੱਧ ਕੋਮਲ , ਫੁੱਲ ਜਿਉਂ ਸੋਹਲ ਜਿਹੀ ਉਹ ।
ਉਹਨੂੰ ਕਰਦਿਆਂ ਚੇਤੇ , ਤੱਤੜੀ ਜਿੰਦ ਕੁਮਲਾਅ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ॥
* ਉਹਦੇ ਹਾਸਿਓਂ ਕਿਰਦੇ ਮੋਤੀ ,ਗਿਣਦਾ ਰਹਿੰਦਾ ਸਾਂ ਮੈਂ ।
ਉਹਨੂੰ ਹੂਰ ਪਰੀ ਦੀ ਮੂਰਤ, ਅਕਸਰ ਕਹਿੰਦਾ ਸਾਂ ਮੈਂ ।
ਉਹਦੇ ਹੁਸਨ ਦੀ ਚਰਚਾ ,ਮੇਰੀ ਗੱਲ ਝੁਠਲਾ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਉਹਤੋਂ ਰੰਗ ਉਧਾਰੇ ,ਬਾਗ਼ਾਂ ਦੇ ਫੁੱਲ ਲੈਂਦੇ ਹੁੰਦੇ ।
ਉਹਨੂੰ ਤਿੱਤਲੀ ਤਿੱਤਲੀ , ਬਹੁਤੇ ਮੁੰਡੇ ਕਹਿੰਦੇ ਹੁੰਦੇ ।
ਉਹ ਜਿਧਰੋਂ ਲੰਘਦੀ ,ਓਧਰ ਮਹਿਕ ਖਿੰਡਾਂ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਸੀ ਬੱਚਣਾ ਮੁਸ਼ਕਿਲ ,ਹਰਕਤ ਕਰਦੇ ਅੰਗਾਂ ਤੋਂ ਵੀ ।
ਸੀ ਪਿਆਰ ਉਮੜਦਾ ਦੂਣਾ , ਉਸਦੀਆਂ ਸੰਗਾਂ ਤੋਂ ਵੀ ।
ਜਦ ਨਾਲ ਸ਼ਰਾਰਤ ,ਦਿਲ ਦੇ ਤਾਰ ਹਿਲਾ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਉਹ ਛਮਕ ਛੱਲੋ ਜੇਹੀ ,ਜਦ ਵੀ ਮਿਲਣ ਨੂੰ ਆਉਂਦੀ ਹੁੰਦੀ ।
ਸਾਡੇ ਦਿਲ ਦੀ ਇਹ ਹਵੇਲੀ ,ਖ਼ੂਬ ਰੁਸ਼ਨਾਉਂਦੀ ਹੁੰਦੀ ।
ਜਦੋਂ ਜਾਂਦੀ ਤਦ ਵੀ , ਸਾਰੇ ਦੀਪ ਬੁਝਾ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਕੀ ਹੁੰਦਾ ਸੱਚਾ ਪਿਆਰ , ਸਿਖ਼ਾਇਆ ਉਹਨੇ ਮੈਨੂੰ ,
ਬੜੇ ਅਦਬ ਨਾਲ ਸੀ , ਸਦਾ ਬੁਲਾਇਆ ਉਹਨੇ ਮੈਨੂੰ ,
ਮਿੱਠੜੀ ਜਿਹੀ ਬੋਲੀ ,ਅੰਗਾਂ ਵਿੱਚ ਸਮਾ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
* ਚੱਲ ਜਿਵੇਂ ਕਿਵੇਂ ਉਹ ਸਾਥੋਂ , ਚੰਦਰੀ ਵੱਖ਼ ਸੀ ਹੋ ਗਈ ।
“ ਘੁਮਾਣ ” ਨੂੰ ਗ਼ਮ ਦੇ ਸਾਗਰ , ਨੱਕੋ ਨੱਕ ਡੁੱਬੋ ਗਈ ।
ਪੀੜ ਹਿਜ਼ਰ ਦੀ , ਜਾਨੋ ਮਾਰ ਮੁੱਕਾ ਜਾਂਦੀ ਏ ।
ਇੱਕ ਕੁੜੀ ਦੀ ਯਾਦ , ਜਦੋਂ ਵੀ ਆ ਜਾਂਦੀ ਏ।
ਅੱਖ਼ੀਆਂ ਦੇ ਬੱਦਲਾਂ ਨੂੰ ,ਬਰਸਣ ਲਾ ਜਾਂਦੀ ਏ ॥
ਲੇਖਕ : ਜਰਨੈਲ ਘੁਮਾਣ
posted by : jarnail ghuman
************************************************************
About jarnail ghuman : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.
No comments:
Post a Comment