ਮੁਬਾਰਕ ਹੈ ਤੈਨੂੰ ਦੋਸਤਾ

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ।

ਜ਼ਿੰਦਗੀ ਦੀ ਕਾਲੀ ਰਾਤ ਨੂੰ, ਇੱਕ ਝਾਤ ਦੇ ਰੁਸ਼ਨਾਉਣ ਦੀ ॥

ਮੁੱਦਤਾਂ ਤੋਂ ਬੰਜ਼ਰ ਚਾਹਤ ਨੂੰ, ਸਿੰਜ ਪਿਆਰ ਦੀ ਬਰਸਾਤ ਕਰ ।

ਕਲੀਆਂ ਤੇ ਫੁੱਲ ਜਹੇ ਟਹਿਕਣੇ, ਇੱਕ ਵਾਰੀ ਤੂੰ ਮੁਲਾਕਾਤ ਕਰ ।

ਖ਼ੁਸਬੋਆਂ ਵੰਡਦੇ ਹੁਸਨ ਚੋਂ, ਪੌਣਾਂ ਵਿੱਚ ਮਹਿਕ ਖ਼ਿੰਡਾਉਣ ਦੀ ।

ਹੈ ਮੁਬਾਰਕ ..

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ॥

ਲੱਭ ਲਏ ਨੇ ਦਿਲਾਂ ਨੇ ਰਾਸਤੇ, ਖੁਸ਼ੀਆਂ ਦੇ ਪਿੰਡ ਨੂੰ ਜਾ ਰਹੇ ।

ਅਰਮਾਨਾਂ ਨੇ ਬੰਨੀਆਂ ਟੋਲੀਆਂ, ਮੁਹੱਬਤ ਗੜ੍ਹ ਤੈਨੂੰ ਬੁਲਾ ਰਹੇ ।

ਉਡੀਕਾਂ ਨਾ ਬਹੁਤਾ ਹੁੰਦੀਆਂ, ਕਰ ਹਿੰਮਤ ਪੰਧ ਮੁਕਾਉਣ ਦੀ ।

ਹੈ ਮੁਬਾਰਕ ..

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ॥

ਤੁਸੀਂ ਸਾਡੇ ਹਮਰਾਹੀ ਬਣੇ, ਇਹ ਸਾਡੀਆਂ ਖ਼ੁਸ਼ਨਸੀਬੀਆਂ ।

ਮਿਲ ਗਈ ਸੌਗਾਤ ਪਿਆਰ ਦੀ, ਭੁੱਲਜਾਂਗੇ ਸਭ ਗ਼ਰੀਬੀਆਂ ।

ਧਰਤੀ ਤੋਂ ਚੁੱਕ ਕੇ ਅੱਖ਼ੀਆਂ, ਦੇ ਉਪਰ ਲਿਆ ਬਿਠਾਉਣ ਦੀ ।

ਹੈ ਮੁਬਾਰਕ ..

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ॥

ਅਸੀਂ ਬੜੇ ਹਨ੍ਹੇਰੇ ਢੋਹ ਲਏ, ਹੁਣ ਲੱਗਦਾ ਚਾਨਣ ਹੋਣਗੇ ।

ਦੁੱਖ਼ਾਂ ਦੇ ਉੱਠੇ ਤੂਫ਼ਾਨ ਵੀ, ਵਿੱਚ ਦਿਨਾਂ ਦੇ ਜਿਵੇਂ ਖ਼ਲੋਣਗੇ ।

ਹੁਣ ਤੂੰ ਸਾਡੇ ਅੰਗ ਸੰਗ ਹੈਂ, ਫਿਰ ਲੋੜ ਕੀ ਘਬਰਾਉਣ ਦੀ ।

ਹੈ ਮੁਬਾਰਕ ..

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ॥

ਥੱਕ ਟੁੱਟ ਗਿਆ " ਘੁਮਾਣ " ਸੀ, ਹੁਣ ਮੁੜ ਜਿਉਣਾ ਲੋਚਦਾ ।

ਡਾਢੇ ਦੀ ਹੋਈ ਮੇਹਰ 'ਤੇ, ਕਰ ਕਰ ਸ਼ੁਕਰਾਨਾ ਸੋਚਦਾ ।

ਬੱਸ ਕੋਸ਼ਿਸ਼ ਮੇਰੀ ਹੈ ਸਦਾ, ਤੇਰੇ ਨਾਲ ਤੋੜ ਨਿਭਾਉਣ ਦੀ ।

ਹੈ ਮੁਬਾਰਕ ..

ਮੁਬਾਰਕ ਹੈ ਤੈਨੂੰ ਦੋਸਤਾ, ਦਿਲ ਦੇ ਵੇਹੜੇ ਆਉਣ ਦੀ ॥

ਲੇਖਕ : ਜਰਨੈਲ ਘੁਮਾਣ

email : ghuman5577@yahoo.com

contact no : 098885-05577

Posted by : jarnail ghuman

************************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.