ਓਸ ਕੁੜੀ ਦਾ ਮਜ਼ਾਕ ਨਾ ਉਡਾਓ

ਮੈਂ ਨਹੀਂ ਪੀਣੀ, ਪੀਣ ਦੀ ਕਸਮ ਪਾਈ ਹੋਈ ਏ ।

ਕਸਮ ਵੀ ਇਹਦੀ, ਓਸੇ ਨੇ ਪੁਵਾਈ ਹੋਈ ਏ ।

ਉਹਦੇ ਨਾਂ ਤੇ ਪੈਗ਼, ਮੱਲੋ ਜ਼ੋਰੀ ਨਾ ਪਿਲਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਉਹਦੀ ਅਤੇ ਮੇਰੀ ਗੱਲ, ਸਾਡੇ ਵਿੱਚ ਰਹਿਣ ਦਿਓ ।

ਸਹਿ ਲੈਨਾ ਪੀੜ ਮੈਂ ਵੀ, ਹੋਰ ਸਹਿੰਦੇ ਰਹਿਣ ਦਿਓ ।

ਮੇਰੀ ਪੀੜ ਵੇਖ ਵੇਖ, ਨਾ ਘਬਰਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਉਹ ਬੇਵਫ਼ਾ ਨਹੀਂ ਸੀ, ਨਾ ਹੀ ਬੇਵਫ਼ਾਈ ਕੀਤੀ ।

ਛੱਡੋ ਕਾਹਨੂੰ ਪੁੱਛਦੇ ਓ, ਤੁਸੀਂ ਮੇਰੀ ਹੱਡ ਬੀਤੀ ।

ਮੇਰੀ ਛੱਡੋ ਤੁਸੀਂ ਕੋਈ, ਆਪਣੀ ਸੁਣਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਰੂਪ ਦੀ ਸਿਫ਼ਤ ਉਹਦੇ, ਸੁਣ ਕੇ ਕੀ ਕਰੋਂਗੇ ।

ਭਰਦੇ ਹੁੰਗਾਰਾ ਐਵੇਂ, ਅੱਖ਼ੀਆਂ ਨੂੰ ਭਰੋਂਗੇ ।

ਮਹਿਫ਼ਲ ਦਾ ਮਜ਼ਾ ਲੁੱਟੋ, ਚੰਗਾ ਪੀਓ ਖਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਐਨੀ ਜ਼ਿੱਦ ਕਰਦੇ ਹੋਂ, ਚੰਗਾਂ ਮੇਰੀ ਗੱਲ ਸੁਣੋ ।

ਸਾਡੇ ਸੀਨੇ ਵਿਚਲੇ, ਵਿਛੋੜਿਆਂ ਦੇ ਛੱਲ ਸੁਣੋ ।

ਤੁਸੀਂ ਪਹਿਲਾਂ ਇੱਕ ਇੱਕ, ਖੁੱਲ੍ਹਾ ਪੈਗ ਲਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਇੱਕ ਕੁੜੀ ਕੇਰਾਂ, ਮੇਰੀ ਜ਼ਿੰਦਗੀ ’ਚ ਆਈ ਸੀ ।

ਛੈਲ ਛਬੀਲੀ, ਉਹਦਾ ਹੁਸਨ ਤਬਾਹੀ ਸੀ ।

ਝੱਲਿਆ ਨਾ ਜਾਂਦਾ ਉਹਦੇ, ਜੋਬਨ ਦਾ ਤਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਅਸੀਂ ਇੱਕ ਦੂਸਰੇ ਤੇ, ਐਨਾ ਛੇਤੀ ਡੁੱਲ੍ਹ ਗਏ ਸਾਂ।

ਅੰਬਰੀਂ ਉਡਣ ਲੱਗੇ, ਧਰਤੀ ਨੂੰ ਭੁੱਲ ਗਏ ਸਾਂ ।

ਦਿਨਾਂ ਵਿੱਚ ਲੋਹੜੇ ਦਾ ਸੀ, ਹੋ ਗਿਆ ਲਗਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਰਾਤ ਭਰ ਬੈਠੇ ਜਦੋਂ, ਪਿਆਰ ਦੀਆਂ ਪਾਉਂਦੇ ਬਾਤਾਂ ।

ਗੂੜ੍ਹੇ ਪਿਆਰ ਵਿੱਚ ਅਸੀਂ, ਭੁੱਲਗੇ ਔਕਾਤਾਂ ਜਾਤਾਂ ।

ਜੰਨਤ 'ਚ ਪਹੁੰਚ ਜਾਂਦੇ, ਮੁੱਕਦਾ ਤਨਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਚੰਦਰਾ ਸਮਾਜ ਭਲਾ, ਕਦੋਂ ਜਰ ਜਾਂਦਾ ਇਹ ।

ਹੱਸਦਿਆਂ ਨੂੰ ਵੇਖ਼ ਖ਼ੁਦ, ਥਾਂ ਤੇ ਮਰ ਜਾਂਦਾ ਇਹ ।

ਰਾਹ ਦਾ ਰੋੜ੍ਹਾ ਬਣਨਾ ਤਾਂ, ਏਸ ਦਾ ਸੁਭਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਸਾਡੇ ਪਿਆਰ ਉਪਰ ਵੀ, ਏਸੇ ਦੀ ਗਾਜ਼ ਡਿੱਗੀ ।

ਝੁੱਕਣਾ ਹੀ ਪਿਆ ਜਦੋਂ, ਆ ਕੇ ਲੋਕ ਲਾਜ਼ ਡਿੱਗੀ ।

ਪਲਾਂ 'ਚ ਵਿਛੋੜਿਆਂ ਦਾ, ਕੀਤਾ ਪਥਰਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਓਸ ਕੁੜੀ ਵਿੱਚ ਯਾਰੋ, ਰੱਤੀ ਵੀ ਨਾ ਦੋਸ਼ ਸੀ ।

"ਘੁਮਾਣ" ਵਾਲੇ ਫੈਸਲੇ ਤੇ, ਉਹ ਵੀ ਖ਼ਾਮੋਸ਼ ਸੀ ।

ਯਾਦਾਂ ਕੋਲੇ ਛੱਡ ਮੈਨੂੰ, ਤੁਸੀਂ ਘਰ ਜਾਓ ਯਾਰੋ ।

ਹਾੜਾ ਓਸ ਕੁੜੀ ਦਾ, ਮਜ਼ਾਕ ਨਾ ਉਡਾਓ ਯਾਰੋ ॥

ਲੇਖਕ : ਜਰਨੈਲ ਘੁਮਾਣ

email : ghuman5577@yahoo.com

contact no : 098885-05577

Posted by : jarnail ghuman

************************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.