ਮੇਰੀ ਮੁਹੱਬਤ, ਆਖ਼ਿਰ ਨੂੰ ਦਮ ਤੋੜ ਗਈ ਹੈ ।
ਇਸ ਦੁਨੀਆਂ ਨਾਲ, ਲੜਦੀ ਲੜਦੀ,
ਲੋਕ ਲਾਜ ਤੋਂ, ਡਰਦੀ ਡਰਦੀ,
ਸਭ ਦੀਆਂ ਗੱਲਾਂ, ਜਰਦੀ ਜਰਦੀ,
ਆਪਣੇ ਅਰਮਾਨਾਂ ਦਾ, ਗਲਾ ਝੰਜੋੜ ਗਈ ਹੈ ।
ਮੇਰੀ ਮੁਹੱਬਤ ਆਖ਼ਿਰ ਨੂੰ……
ਵਾਅਦਿਓ ਮੁਨਕਰ, ਹੋਣਾ ਪੈ ਗਿਆ,
ਹੱਸਦੇ ਹੱਸਦੇ, ਰੋਣਾ ਪੈ ਗਿਆ,
ਹੰਝੂਆਂ ਹਾਰ, ਪਰੋਣਾ ਪੈ ਗਿਆ,
ਉਹ ਰੋਂਦੇ ਰੋਂਦੇ, ਪਿਆਰ ਨਿਸ਼ਾਨੀ ਮੋੜ ਗਈ ਹੈ ।
ਮੇਰੀ ਮੁਹੱਬਤ……
ਜ਼ਜ਼ਬਾਤਾਂ ਨੂੰ, ਝੁੱਕਣਾ ਪੈ ਗਿਆ,
ਸੁਪਨਿਆਂ ਨੂੰ ਵੀ, ਰੁੱਕਣਾ ਪੈ ਗਿਆ,
ਜਿਉਂਦੇ ਜੀਅ ਹੀ, ਮੁੱਕਣਾ ਪੈ ਗਿਆ,
ਖ਼ੁਸ਼ੀਆਂ ਭਰੀ ਸੌਗ਼ਾਤ ਹੀ, ਮੁੱਖ਼ ਮਰੋੜ ਗਈ ਹੈ ।
ਮੇਰੀ ਮੁਹੱਬਤ……॥
ਪਤਾ ਹੁੰਦਾ ਜੇ, ਪਿਆਰ ਨਾ ਕਰਦੇ,
ਕਦੇ ਵੀ ਅੱਖ਼ੀਆਂ, ਚਾਰ ਨਾ ਕਰਦੇ,
ਘਾਟੇ ਵਾਲਾ, ਵਪਾਰ ਨਾ ਕਰਦੇ,
ਇਸ਼ਕ ਬਿਮਾਰੀ, ਸੱਚ ਮੁੱਚ ਕੱਚੇ ਕੋਹੜ ਜਹੀ ਹੈ ।
ਮੇਰੀ ਮੁਹੱਬਤ……
ਜ਼ਿੰਦਗੀ ਭਰ, ਪਛਤਾਉਣਾ ਪੈਣਾ,
ਬੀਤਿਆ ਵਕਤ, ਭੁਲਾਉਣਾ ਪੈਣਾ
ਗ਼ਮਾਂ ਨੂੰ, ਯਾਰ ਬਣਾਉਣਾ ਪੈਣਾ,
ਉਹ ਮਰ ਜਾਣੀ, ਗ਼ਮਾਂ ਨਾ ਰਿਸ਼ਤਾ ਜੋੜ ਗਈ ਹੈ ।
ਮੇਰੀ ਮੁਹੱਬਤ……॥
ਕਦੇ ਨਾ ਮਿਲਨੇ, ਦੋ ਕਿਨਾਰੇ,
ਜ਼ਿੰਦਗੀ ਕੈਸੇ, ਲੋਹੜੇ ਮਾਰੇ,
ਜਿਉਣਾ ਪੈਣਾ, ਯਾਦ ਸਹਾਰੇ,
ਜਾਤਾਂ ਵਾਲੀ ਹਨ੍ਹੇਰੀ, ਸਭ ਕੁੱਝ ਰੋੜ੍ਹ ਗਈ ਹੈ ।
ਮੇਰੀ ਮੁਹੱਬਤ ……
ਰੀਤ ਰਿਵਾਜ, ਸਮਾਜ ਨਿਮਾਣਾ,
ਨਿੱਕੀ ਥੋਡੀ, ਜਾਤ " ਘੁਮਾਣਾ ",
ਪਿੰਡ ਵਿੱਚ, ਸਾਡਾ ਉੱਚ ਘਰ੍ਹਾਣਾ
ਦੋ ਰੂਹਾਂ ਨੂੰ, ਇੱਕੋ ਗੱਲ ਵਿਛੋੜ ਗਈ ਹੈ ।
ਮੇਰੀ ਮੁਹੱਬਤ, ਆਖ਼ਿਰ ਨੂੰ ਦਮ ਤੋੜ ਗਈ ਹੈ ।
About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.
No comments:
Post a Comment