ਗ਼ਮਾਂ ਨਾਲ ਯਾਰੀਆਂ

ਤੁਸੀਂ ਤੋੜ ਗਏ ਅਸਾਂ, ਦੂਜੀ ਥਾਂ ਤੇ ਗੰਢ ਲਈਆਂ ।

ਨਵੇਂ ਯਾਰਾਂ ਨਾਲ ਕੁੱਝ, ਗੱਲਾਂ ਵੀ ਨੇ ਵੰਡ ਲਈਆਂ ।

ਹੰਝੂ, ਹਉਕੇ-ਹਾਵੇ, ਸਾਡੇ ਹਿੱਸੇ ਚੀਜ਼ਾਂ ਸਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਉਦਾਸੀਆਂ ਨੂੰ ਰੋਕ ਟੋਕ, ਰਹਿਣੀ ਨਹੀਂਓ ਉੱਕਾ ਹੁਣ ।

ਲੁੱਕ ਛਿਪ ਰੋਣ ਵਾਲਾ, ਜੱਬ੍ਹ ਜਿਹਾ ਮੁੱਕਾ ਹੁਣ ।

ਸ਼ਰੇਆਮ ਰੋਈਂਏ, ਮਾਰ ਮਾਰ ਕਿਲਕਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਹੰਝੂਆਂ ਨੂੰ ਮੌਕਾ ਮਿਲ ਗਿਆ, ਖੁੱਲ੍ਹਾ ਡੁੱਲ੍ਹਦੇ ਨੇ ।

ਵਗੀ ਜਾਣ ਚੱਤੋ ਪਹਿਰ, ਕਦੇ ਵੀ ਨਾ ਭੁੱਲਦੇ ਨੇ ।

ਕਿਹਨੇ ਆ ਕੇ ਪੂੰਝਣੇ ਨੇ, ਗੱਲਾਂ ਕਹਿ ਪਿਆਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਹੌਂਕੇ ਹਾਵੇ ਆਈਂ ਜਾਣ, ਜਿੰਨਾ ਆਉਣਾ ਲੋਚਦੇ ।

ਦੂਰ ਚਲੇ ਗਏ ਜੋ ਸੀ, ਇਹਨਾਂ ਬਾਰੇ ਸੋਚਦੇ ।

ਸਭ ਰੋਣ ਬਹਿੰਦੇ ਹੁਣ, ਕਰਕੇ ਤਿਆਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਸਾਰੀ ਸਾਰੀ ਰਾਤ ਹੁਣ, ਮਾਤਮ ਹੈ ਛਾਇਆ ਹੁੰਦਾ ।

ਬੂਹਾ ਬੰਦ, ਦੀਵਾ ਬੱਤੀ, ਸਭ ਹੀ ਬੁਝਾਇਆ ਹੁੰਦਾ ।

ਕਰਨੀ ਉਡੀਕ ਕੀਹਦੀ,ਖੋਹਲ ਬੂਹੇ ਬਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਦੁਨੀਆਂ ਦੇ ਨਾਲ ਹੁਣ, ਸਾਂਝ ਕਿਸੇ ਗੱਲ ਦੀ ਨਾ ।

ਆਪਣੇ ਹੀ ਕੰਮੋਂ ਸਾਨੂੰ, ਵਿਹਲ ਇੱਕ ਪਲ ਦੀ ਨਾ ।

ਲੋੜ ਹੋਵੇ ਸਾਥੋਂ ਲੈ ਲਓ, ਗ਼ਮੀਆਂ ਉਧਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਖੁਸ਼ੀਆਂ ਦੀ ਹੋਣੀ, ਹੁਣ ਵਾਪਰ ਨਾ ਜਾਵੇ ਕਦੇ ।

ਡਰ ਲੱਗਾ ਰਹਿੰਦਾ ਰੱਬਾ, ਇਹ ਨਾ ਦਿਨ ਆਵੇ ਕਦੇ ।

ਮਸਾਂ ਦੁੱਖ਼ੀ ਰਹਿਣ ਦੀਆਂ, ਆਦਤਾਂ ਸੁਧਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਦਿਲ ਨੂੰ ਵੀ ਕਹਿ ਦਿੱਤਾ, ਗ਼ਮਾਂ ਵਾਲੀ ਬੋਲੀ ਬੋਲੇ ।

ਜਦੋਂ ਹੰਝੂ ਰੁੱਕ ਜਾਣ, ਯਾਦਾਂ ਦੀ ਪਟਾਰੀ ਖ਼ੋਹਲੇ ।

ਰੋਣ ਤੇ ਰਵਾਉਣ ਦੀਆਂ, ਲਾਈਆਂ ਜੁੰਮੇਦਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਆਪਣੇ ਹੀ ਹਾਲ ਵਿੱਚ, ਠੀਕ ਹੈ "ਘੁਮਾਣ" ਹੁਣ ।

ਉਦਾਸ ਹੈ, ਨਿਰਾਸ਼ ਹੈ ਇਹ, ਮੇਰੀ ਹੈ ਪਛਾਣ ਹੁਣ ।

ਹਿਜ਼ਰਾਂ ਦੇ ਅੰਬਰਾਂ ਤੇ, ਲਾਉਂਦੇ ਹਾਂ ਉਡਾਰੀਆਂ ।

ਤੇਰੇ ਜਾਣ ਪਿੱਛੋਂ ਲਾਈਆਂ, ਗ਼ਮਾਂ ਨਾਲ ਯਾਰੀਆਂ ॥

ਲੇਖਕ : ਜਰਨੈਲ ਘੁਮਾਣ

email : ghuman5577@yahoo.com

contact no : 098885-05577

Posted by : jarnail ghuman

************************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.