ਤੇਰੇ ਹਾਲ ਉੱਤੇ ਛੱਡਿਆ

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ।

ਆ ਗਈ ਅਖੀਰ, ਇੱਕ ਪਾਸੇ ਗੱਲ ਲਾਉਣ ਦੀ,

ਤੇਰੇ ਵਾਰੇ ਦਿਲ ਤਾਈਂ, ਹੋਰ ਸਮਝਾਉਣ ਦੀ,

ਤੇਰੇ ਮਨ ਚੋਰ, ਏਸੇ ਖ਼ਿਆਲ ਉਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਲੱਗਦਾ ਹੈ ਇੰਝ ਜਿਵੇਂ, ਤੈਨੂੰ ਸਾਡੀ ਲੋੜ ਹੈ ਨਾ,

ਸਾਡੇ ਜਿਹੇ ਆਸ਼ਕਾਂ ਦੀ, ਤੇਰੇ ਕੋਲੇ ਥੋੜ ਹੈ ਨਾ,

ਸਾਡੇ ਨਾਲੋਂ ਚੰਗਿਆਂ ਦੀ, ਭਾਲ ਉੱਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਗੱਲ ਕਹਿਣੀ ਪਈ, ਬੰਨ੍ਹ ਸਬਰਾਂ ਦੇ ਟੁੱਟ ਗਏ,

ਸਾਡੇ ਬਾਰੇ ਅੱਜ ਤੁਸੀਂ, ਆਪੇ ਮੂੰਹੋਂ ਫੁੱਟ ਪਏ,

ਸਾਡੇ ਨਾਲ ਖ਼ੇਡੀ, ਦੂਹਰੀ ਚਾਲ ਉਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਸਾਡੇ ਸੱਚੇ ਪਿਆਰ ਦਾ, ਉਡਾਉਂਦੇ ਸੀ ਮਜ਼ਾਕ ਤੁਸੀਂ,

ਸਾਡੇ ਜ਼ਜਬਾਤਾਂ ਦਾ ਨਾਲ, ਖ਼ੇਡਗੇ ਚਲਾਕ ਤੁਸੀਂ,

ਦਿਨੋ ਦਿਨ ਉਲਝੇ, ਸਵਾਲ ਉੱਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਕਿੰਨਾ ਚਿਰ ਰਹਿੰਦੇ ਤੇਰੇ, ਨਹੁੰਆਂ ਉੱਤੇ ਨੱਚਦੇ,

ਕਦੋਂ ਤੱਕ ਤੇਰੀਆਂ, ਸ਼ਰਾਰਤਾਂ ਤੋਂ ਬੱਚਦੇ,

ਤੇਰੇ ਬਾਰੇ ਕੀਤੀ, ਪੜਤਾਲ ਉੱਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਗੱਲ ਗੱਲ ਉਤੇ ਪਾਣੀ, ਸਿਰ ਉੱਤੋਂ ਲੰਘਿਆ,

ਹੱਦ ਹੋਗੀ, ਤੂੰ ਤਾਂ ਖੂਨ ਪੀਂਦਾ ਵੀ ਨਾ ਸੰਗਿਆ,

ਹੈਵਾਨਾ ਜਿਹੀ ਕਰਤੀ, ਕਮਾਲ ਉੱਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਰੱਤੀ ਪਛਤਾਵਾ ਨਹੀਂ, ਤੈਨੂੰ ਅਸੀਂ ਛੱਡਤਾ,

ਆਹ ਲੈ "ਘੁਮਾਣ" ਤੈਨੂੰ, ਦਿਲ ਚੋਂ ਵੀ ਕੱਢਤਾ,

ਆਪਣਿਆਂ ਹਿੱਤਾਂ ਦੀ, ਸੰਭਾਲ ਉੱਤੇ ਛੱਡਿਆ ।

ਜਾਹ ਉਏ ਯਾਰਾ, ਤੈਨੂੰ ਤੇਰੇ ਹਾਲ ਉੱਤੇ ਛੱਡਿਆ ॥

ਲੇਖਕ : ਜਰਨੈਲ ਘੁਮਾਣ

email : ghuman5577@yahoo.com

contact no : 098885-05577

Posted by : jarnail ghuman

************************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.