ਉਦਾਸ ਨੇ ਕਹਾਣੀਆਂ

ਛੱਡੋ ਯਾਰੋ ਛੱਡੋ ਬਾਤਾਂ, ਬੀਤੇ ਦੀਆਂ ਛੇੜੋ ਨਾ,

ਅੱਲ੍ਹੇ ਨੇ ਜਖ਼ਮ, ਹਾੜ੍ਹਾ ਹੋਰ ਉਚੇੜੋ ਨਾ,

ਰੋਂਵਦੀਆਂ ਅੱਖ਼ਾਂ ਨਾ, ਕਰਾਈਆਂ ਚੁੱਪ ਜਾਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਪਿੰਡ ਵਿੱਚ ਸਾਡਾ ਇੱਕ ਕੱਚਾ ਜਿਹਾ ਢਾਰਾ ਸੀ ।

ਉਹਦੇ ਲਹਿੰਦੇ ਪਾਸੇ ਇੱਕ ਰੰਗਲਾ ਚੁਬਾਰਾ ਸੀ ।

ਅਰਸੇ ਦੀ ਗੱਲ, ਇਹ ਯਾਦਾਂ ਨੇ ਪੁਰਾਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਸਾਡੇ ਪਿੰਡ ਆਇਆ ਕੇਰਾਂ, ਇੱਕ ਟੋਟਾ ਚੰਨ ਦਾ ।

ਪਰੀਆਂ ਦੀ ਹੂਰ, ਉਹਨੂੰ ਬੱਚਾ ਬੱਚਾ ਮੰਨਦਾ ।

ਸਿਫ਼ਤਾਂ ਸੁਣਾਉਦੀਆਂ, ਨਾ ਥੱਕਣ ਸੁਆਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਸਾਡੇ ਘਰ ਆਉਣਾ ਉਹਦਾ, ਜਿਵੇਂ ਕਿਵੇਂ ਹੋ ਗਿਆ ।

ਪਰ ਉਹਦਾ ਹੱਸਣਾ ਦਿਲੇ ਨੂੰ, ਐਸਾ ਛੋਹ ਗਿਆ ।

ਰੁੱਕੀਆ ਨਾ ਲੱਗੀਆਂ ਜਾ, ਅੱਖ਼ੀਆਂ ਨਿਮਾਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਪਤਾ ਲੱਗਾ ਉਸਦੇ ਸੀ, ਸਾਡੇ ਪਿੰਡ ਨਾਨਕੇ ।

ਆਉਣ ਲੱਗੀ ਸਾਡੇ ਘਰ, ਨਿੱਤ ਜਾਣ ਜਾਣ ਕੇ ।

ਫੁੱਲਾਂ ਲਈ ਜਵਾਨ, ਹੋਣ ਲੱਗੀਆਂ ਦੋ ਟਾਹਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਚੋਰੀ ਛਿੱਪੇ ਪਿਆਰ ਸਾਡਾ, ਹੋ ਰਿਹਾ ਉਡਾਰ ਸੀ ।

ਈਰਖ਼ਾ ਦੀ ਸੰਨ੍ਹ ਲਾਈ, ਬੈਠਾ ਸੰਸਾਰ ਸੀ ।

ਸ਼ਿਕਾਰੀਆਂ ਤੋਂ ਬੱਚੀਆਂ ਨਾ, ਜਿੰਦਾਂ ਦੋ ਨਿਆਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਧੁੱਖਦੀ ਧੁੱਖਾਉਂਦੀ ਗੱਲ, ਚੜ੍ਹੀ ਆਸਮਾਨਾਂ ਨੂੰ ।

ਵਿਛੋੜਨ ਦੀ ਵਿਊਂਤਬੰਦੀ, ਹੋਗੀ ਦੋਵੇਂ ਜਾਨਾਂ ਨੂੰ ।

ਮੁਹੱਬਤਾਂ ਨਾ ਰਾਸ ਆਈਆਂ, ਖ਼ਸਮਾਂ ਨੂੰ ਖਾਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਛੇਤੀ ਛੇਤੀ ਵਰ ਲੱਭ, ਚੰਨੋ ਨੂੰ ਵਿਆਹ ਦਿੱਤਾ ।

ਸਾਨੂੰ ਪਿੰਡ ਛੱਡਣ ਦਾ, ਫੈਸਲਾ ਸੁਣਾ ਦਿੱਤਾ ।

ਵਿਲਕਣ ਰੂਹਾਂ ਦੋਵੇਂ, ਕਿਸੇ ਨਾ ਸਿਆਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਕਾਲੇ ਪਾਣੀ ਜਿਹਾ ਦੰਡ, ਦੇ ਕੇ "ਘੁਮਾਣ" ਨੂੰ ।

ਸਮੁੰਦਰਾਂ ਤੋਂ ਪਾਰ, ਭੇਜ ਦਿੱਤਾ ਮੇਰੀ ਜਾਨ ਨੂੰ ।

ਜਿੱਥੇ ਤੱਕ ਪਹੁੰਚ ਨਾ, ਗ਼ਰੀਬਾਂ ਦੀ ਹੈ ਹਾਣੀਆਂ ।

ਸਾਡੇ ਪਿਆਰ ਵਾਲੀਆਂ, ਉਦਾਸ ਨੇ ਕਹਾਣੀਆਂ ॥

ਲੇਖਕ : ਜਰਨੈਲ ਘੁਮਾਣ

email : ghuman5577@yahoo.com

contact no : 098885-05577

Posted by : jarnail ghuman

************************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.